நாற்காலியை உள்ளே கொண்டு போய் வை



திருச்சி மாவட்ட நீதிமன்றத்தில் அய்யா அவர்கள் மீது வழக்கு. வழக்கம்போல சிறைக்குச் செல்ல மூட்டை முடிச்சுகளுடன் அய்யா வந்தார்.

நீதிமன்றம் மாடியில். படியேறி மாடிக்கு வந்தார்கள். நீதிமன்றத்தின் பணி தொடர இன்னும் நேரம் இருந்தது. எனவே அய்யா அவர்கள் வெளியில் நின்றார்கள்.
உடன் வந்த ஒரு தோழர், நீதிமன்றத்துள் சென்று, ஒரு நற்காலியைக் கொண்டு வந்து உட்காருங்கள் அய்யா என்றார். அய்யா அவர்கள் மிகுந்த கோபத்துடன், நாற்காலியை உள்ளே கொண்டு போய் வை என்று கூவிக் கொண்டு, அந்தத் தோழரை அடிக்கக் கைத்தடியை ஓங்கிவிட்டார்கள். மரியாதை என்பது நாமாக எடுத்துக் கொள்வது அல்ல. அவர்கள் கொடுப்பது என்றும் சொன்னார்கள். அய்யா அவர்களுக்கு அவ்வளவு கோபம் வந்து நான் பார்த்ததேயில்லை!
இந்தக் கேசில் அய்யா அவர்களுக்கு ஆறு மாத சிறைத் தண்டனை விதிக்கப்பட்டது. குற்றவாளி வயதானவர். அவரால் நிற்கக்கூட முடியவில்லை. கால், கைகள் ஆடுகின்றன என்று தீர்ப்பில் நீதிபதி சிவசுப்பிரமணியம் அவர்கள் குறிப்பிட்டு இருந்தார்கள். இதுபற்றி இராஜாஜி அவர்கள் சட்டம் வயதைப் பார்க்கக்கூடாது, குற்றத்தின் தன்மைக்கு ஏற்பத் தண்டனை விதிக்க வேண்டும் என்று கல்கியில் எழுதினார். நீதிபதி சிவசுப்பிரமணியம் அவர்களுடன் நான் தனிமையில் பேசிக் கொண்டு இருந்தபொழுது இதுபற்றி பேச்சு வந்தது. பெரியாருக்கு எதிராகப் பிராமணர்கள் தீவிரப் பிரச்சாரம் செய்கிறார்கள். எனவே, பெரியாரை சிறையில் வைக்கவேண்டிய நெருக்கடியில் அரசாங்கம் இருக்கிறது. நான் விடுதலை செய்து இருந்தால், அரசாங்கம் அப்பீல் செய்யும். இரண்டு மூன்று ஆண்டு தண்டனை கிடைக்கக்கூடும். அதனால்தான் நான் தண்டனை விதிக்க வேண்டியதாகிவிட்டது. பெரியாருக்கும் கொஞ்சம் ஓய்வும் கிடைக்கும் என்று சொன்னார்கள்.

- அ.மா.சாமி, தந்தை பெரியார் 128ஆம் ஆண்டு பிறந்த நாள்

 விடுதலை மலர்

Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more