இந்திய அரசுக்கு ஆதரவு



திராவிட நாட்டுப் பிரிவினைக்குப் போராடிய பெரியார், அப்போராட்டங் காரணமாக பலமுறை சிறை வாழ்க்கையும் பூம்பூம் மாட்டுத் தமிழர்களின் எதிர்ப்பு அலைகளையும் தாங்கிக் கொள்ள நேர்ந்தது வரலாற்று உண்மைகளாகும். அத்தகைய தந்தை பெரியார் ராமசாமி விடுதலை பெற்ற இந்தியா, சிக்கிக் கொண்ட எல்லாப் போர்களிலும் இந்திய அரசுக்கு ஆதரவாகவே நின்றார், எழுதினார்; பேசினார்.

பிரிவினைவாதியாம் தந்தை பெரியார் எவ்வளவு இந்தியப் பற்றாளராக விளங்கினார் என்பதை உணரும் அரிய வாய்ப்பு ஒருமுறை எனக்குக் கிட்டியது.

1971ஆம் ஆண்டு நவம்பர் திங்கள் கடைசி வாரம் பெரியார் சென்னைக்கு வந்து சில நாள்கள் தங்கியிருந்தார். அப்போது நான், சோவியத் நாட்டில் பதினைந்து நாள்கள் சுற்றுப் பயணம் செய்து, நட்புறவு கூட்டங்களில் கலந்து கொண்டு, சென்னைக்குத் திரும்பி வந்தேன்.
பெரியார் சென்னையில் இருப்பதைக் கேட்டு, அவரைப் பார்க்கச் சென்றேன். என்னை அன்பொழுக வரவேற்ற பெரியார், தனக்கு அருகில் கட்டிலின்மேல் உட்காரச் சொன்னார், கீழ்ப் படிந்தேன்.

பயணத்தைப் பற்றி சில மணித்துளிகள் பேசினார். அடுத்து, மிகுந்த கவலையோடு, இன்னும் பதினைந்து நாள்களில் பாகிஸ்தான் நம்மோடு சண்டைக்கு வந்துவிடும். அப்போது ரஷிய உதவி உடனே கிடைக்குமா? உதவி உடன்படிக்கை காகிதத்தோடு நிற்குமா? ரஷிய உதவி கிடைத்தால் பிழைத்தோம். இல்லாவிட்டால்... சொற்றொடரை முடிக்கவில்லை. அக்கறை தோய்ந்த கவலை தெரிந்தது.

எத்தனை கொடுமைகளுக்கு ஆளானபோதிலும் இந்திய நாடு தோற்க வேண்டுமென்று எண்ணாத பெரியாரை, வெற்றி பெற்று வாழவேண்டுமே என்று ஏங்கிய பெரியாரை அன்று புதுக் கோணத்தில் புரிந்துக் கொண்டேன்.
கொலைக் குற்றம் சாட்டப்பட்டிருப்பவருக்காக வாதாடும் வழக்கறிஞர், கொலைப் பெருக்கத்துக்கு ஊற்றுக்கால் என்று நினைப்பது தவறல்லவா? சட்டம், ஒழுங்கு, அமைதி கெடச் செய்பவர் என்று கருதுவது நியாயமாகுமா?

சூத்திரர் என்று குற்றம் சாட்டப்பட்ட கோடிக் கணக்கானவர்களை அப்பொய்க் குற்றச்சாட்டிலிருந்து விடுவித்து ஆக வேண்டுமென்னும் பெருந் துடிப்பில், திராவிட நாடு பிரிந்தால் அங்கே சமதர்மப் பொருளியல் முறையையும் சமுதாய சமத்துவத்தையும் நடைமுறையாக்குவது எளிதாகும் என்று சரியாகவே கணக்கிட்டார் பெரியார். எனவே, திராவிட நாட்டைப் பிரித்து விடுங்கள் என்று உரத்து வாதாடினார். பெரியார் கருத்துக்களை எதிர்த்து அரை நூற்றாண்டை வீணாக்கிய பிறகே மக்களுக்குத் தெளிவு ஏற்படும். எனவே இதில் பொதுமக்கள் போதிய ஆதரவு காட்டவில்லை. திராவிட நாட்டுக்காக வாதாடிய பெரியார் எவ்வளவு இந்தியப் பற்றாளர் என்பதை அவ்வேளை உணர்ந்தேன்.


Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more