பெரியார் கொடுத்த நன்கொடை!



அறிஞர் அண்ணாவிடம் பற்று மிகக் கொண்டிருந்தாலும் பெரியார் என்றால் பெரிய அளவில் பிரியம் விழுந்திருந்தது கலைவாணருக்கு. பெரியாரை அவர் மிகப் பெரியாராக மதித்தார். பெரியார் இனி எதுவுமே செய்ய வேண்டாம். தமக்குக் கிடைத்த அந்தப் பட்டத்தைக் காப்பாற்றிக் கொண்டால் போதும் என்று என்.எஸ்.கிருஷ்ணன் சொல்லியதுண்டு.

பெரியாரும் கலைவாணரின் சீர்திருத்தக் கருத்துக்களை வரவேற்று, பல தடவைகள் பேசியிருக்கிறார். திருச்சிக்குச் சென்றால் கலைவாணர் பெரியாரைச் சந்தித்துப் பேசாமல் இருக்கமாட்டார். பெரியாரும் கலைவாணரை அன்போடு வரவேற்றுப் பல மணி நேரம் மனம் விட்டுப் பேசி பெரும் மகிழ்ச்சியில் திளைத்திருக்கிறார்.

சிக்கனத்திற்குப் பெயர் போன பெரியாரிடம் ஒரு சமயம் மதுரம் நன்கொடை வாங்கிக் கொண்டு வந்துவிட்டார். டாக்டர் தருமாம்பாள் தலைமையில் ஒரு நிதி வசூல் குழு சில ஆண்டுகளுக்கு முன்னால் அமைக்கப்பட்டிருந்தது. பலரிடம் நிதி வசூல் செய்து மதுரம் ஒரு நாள் கலைவாணரிடம், இன்று பெரியார் அய்யாவிடம் சென்று நிதி வசூலிக்கப் போகிறேன் என்றார்.

கலைவாணர் பரபரப்போடு புதிய பார்வை புதிய மதுரத்தை நோக்கி, என்ன? என்ன? அய்யாவிடம் நிதி வாங்கப் போகிறாயா? நடக்குமா அது? என்று வியப்போடு கேட்டார்.
இருந்தாலும், மதுரத்தின் உற்சாகம் குறையவில்லை. குறையாத நம்பிக்கையோடு பெரியாரைப் பார்க்கச் சென்றார்.
பெரியார், மதுரத்தை வழக்கம்போல் வா, வா என்று வரவேற்றார். அவருடைய அடுத்த கேள்வி, எல்லா வகையிலும் சவுக்கியந்தானே? என்று இருந்தது. சவுக்கியந்தான் அய்யா என்று மதுரம் அவருக்கே உரிய கணீர்க் குரலில் பதிலளித்து விட்டுத் தம்மிடமிருந்த நிதி வசூல் புத்தகத்தை மெல்லப் பெரியாரிடம் எடுத்து நீட்டினார்.
பெரியார் அதை என்ன என்று கூடக் கேட்காமல், ஒரு தடவை புரட்டிப் பார்த்து விட்டுக் கீழே வைத்தார். சரிதான், பணம் வாங்க முடியாது பெரியாரின் அருகில் கிடக்கும் வசூல் புத்தகத்தை நாமே எடுத்துக் கொண்டு தோல்வியோடு கிளம்பிட வேண்டியதுதான் என்று எண்ணினார் மதுரம்.
ஆனால், ஆச்சரியம் காத்திருந்தது. பெரியார் மணியம்மையாரை அழைத்து நூறு ரூபாய்க்குச் செக் எழுதிக் கொண்டு வருமாறு பணித்தார். மதுரத்திற்குச் செவிகளை நம்பவே முடியவில்லை. பெரியார் கையெழுத்திட்டுக் கொடுத்த செக்கை வாங்கிக் கொண்டு மகத்தான சாதனையைச் செய்துவிட்ட திருப்தியோடு திரும்பினார்.

கலைவாணரிடம் பெரியார் கொடுத்த செக்கை மிகவும் பெருமிதத்தோடு காட்டியபடி இப்பொழுது என்ன சொல்றீங்க? என்று கேட்டார்.
கலைவாணர், நீ மிகவும் கெட்டிக்காரி, அரிச்சந்திரன் காலத்து நட்சத்திரையன்கள் எல்லாம் உங்கிட்ட நிக்க முடியாது! என்றார்.
கலைவாணர் கதை என்ற நூலிலிருந்து

- பம்பாய் மு.அறவரசன்
தந்தை பெரியார் 126ஆம் ஆண்டு பிறந்த நாள் விடுதலை மலர்


Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more