தந்தை பெரியார் செய்த உதவி



அங்கு (ஈரோட்டில்) பெரியார் அவர்களோடு இருந்தபொழுது, கா.சு.பிள்ளையவர்கள் (உங்களுக்குத் தெரியும் கா.சு.பிள்ளை அவர்கள் கா.சுப்பிரமணிய (பிள்ளை) என்பது அவர் முழுப் பெயர்).
தமிழ்நாட்டிலே மறைமலையடிகளைப் போலப் பேரும் புகழும் சிறப்பும் வாய்ந்த பேரறிஞர். அதோடு சட்டத் துறையிலே பெரும் வல்லவர். அவருக்கு இணையான சட்ட அறிஞர் அக்காலத்தில் ஒருவரும் இல்லையாம். தாகூர் சட்ட விரிவுரையாளர் என்ற பட்டமும் அதற்காகப் பதினாயிரம் உருபா பரிசும் பெற்றவர். அந்தக் காலத்திலே, தென்கிழக்காசிய நாட்டிலே குற்றவியல் சட்டப் பொத்தகத்தை எழுதி, அதிலே முதல் பரிசு பெற்ற பெரியார், தமிழில் நூற்றிருபது நூற்களுக்கு மேல் எழுதியவர். பேரறிஞர்; ஆனால் அவர் கடைசிக் காலத்திலே, அஃதாவது நான் ஈரோட்டில் இருந்த பொழுது கா.சு.பிள்ளை அவர்கள் (அவரை எம்.எல்.பிள்ளையென்றும் சொல்லுவார்கள். ஏனென்றால், அந்தக் காலத்திலேயே எம்.ஏ., எம்.எல். படித்தவர் அவர்). சென்னை தாகூர் சட்டக் கல்லூரியிலேயே பேராசிரியராகவிருந்தவர். அவர்கள்தம் கடைசிக் காலத்திலே ஆதரிப்பாரின்றி, நோயுற்றுத் திருநெல்வேலியிலே வாடி, வதங்கிக் கிடந்தார். பெரியார் அய்யா அவர்களுடன் ஒருநாள் நான் பேசிக் கொண்டிருந்த பொழுது கா.சு.பிள்ளை அவர்களைப் பற்றிப் பேச்சு வந்தது. சாமி, மறைச்சாமி, நம் கா.சு.பிள்ளை அய்யா அவர்கள் இவ்வளவு நோயுற்று தளர்ந்து கிடக்கிறாராம். என்ன கொடுமை! இவ்வளவு பெரிய தமிழறிஞரை நம் தமிழர்கள் இப்படி மறந்து விட்டார்களே! அய்யோ என்று மிகவும் வருத்தப்பட்டுக் கண் கலங்கிச் சொல்லி, அவர்களுக்கு நான் இன்று ஓர் அய்ம்பது உரூபா அனுப்பியுள்ளேன். இனிமேல் மாதந்தோறும் உரூபா அய்ம்பது அனுப்புவேன் என்றும் கூறினார்.
அப்போது நான் நினைத்தேன். கா.சு.பிள்ளைக்கு வேறொரு பெயர் பூசைப் பிள்ளை என்பது. கடைசி மூச்சு நிற்கிற வரைக்கும் நாள்தோறும் சிவபூசையை மணிக்கணக்காகச் செய்தவர். ஆழ்ந்த சிவபக்தர், உயர்ந்த சிவநெறியாளர். சிறந்த சைவர். அப்படிப்பட்ட இறை நம்பிக்கையுடையவர் (ஆத்திகர்) இடத்திலே, இறை நம்பிக்கையற்றவர் (நாத்திகர்) என்று சொல்லப்படுகின்ற நம் பெரியார். அந்தக் கருத்து வேற்றுமையைப் பாராட்டாது. தமிழர்களில் ஒரு பெரிய அறிவாளி. இப்படி ஆதரிப்பார் அற்றுக் கிடப்பதா என்று எண்ணி, அன்பு வைத்து, வருந்தி இரங்கி மாதந்தோறும் (நான் அங்கிருந்து நான்கு மாதமும் தவறாமல் அனுப்பியதை நேரிலேயே பார்த்தேன்) அவருக்கு அய்ம்பது உரூபா அனுப்பி வந்த பெருந்தன்மையை என்னென்பது) அப்பொழுது நான் வேறொன்றையும் எண்ணி வருந்தினேன். எவ்வளவோ சைவ மடாதிபதிகள் எவ்வளவு சைவச் செல்வர்களாக இருக்கிறார்களே! அவர்களுக்கெல்லாம் இந்த அன்பில்லையே. இவர் இறை மறுப்புக் கொள்கையுடையவராயிருந்தும் தமிழர் என்ற ஓர் உணர்ச்சிக்காக இப்படி பெருங்கொடை வழங்குகின்றாரே என்றும் எண்ணினேன். (அப்போது அய்ம்பது உரூபா என்றால், இப்போது எண்ணிப் பார்த்தால் அய்நூறு உரூபா).
- மறை திருநாவுக்கரசு நன்றி: இளந்தமிழன், மே 2009
தந்தை பெரியார் 131ஆம் ஆண்டு பிறந்த நாள் விடுதலை மலர் 


Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more