பெரியாரின் நன்றி உணர்வு



அறிஞர் அண்ணா அவர்கள் முதலமைச்சராக இருந்தபோது, திருப்பத்தூரில் (வடஆர்க்காடு) அய்யா பெரியார் - அண்ணா இருவரும் கலந்துகொண்ட நகராட்சி நூற்றாண்டு விழா; அப்போது நகர் மன்றத் தலைவர் திரு.சி.கே.சின்னராசு அவர்கள். அந்த விழா முடிந்து அய்யா அவர்கள் தமது வேனில் சென்னைக்கு வர, இரவே திரும்பிக் கொண்டிருந்தார்கள். அன்னை மணியம்மையாரும், புலவர் கோ.இமயவரம்பனும் வேனில் அய்யாவுடன் வந்தனர். ஆம்பூர் அருகில் (என்று நினைக்கிறேன்) அய்யா வேன் பழுதடைந்து விட்டது; அதைச் சரிப்படுத்திக் கொண்டிருக்கும் நிலையில், அய்யா, அம்மா இருவரும் வண்டியில் உறக்கத்துடன் இருந்தனர்.

நடிப்பிசைப் புலவர் திரு.கே.ஆர். இராமசாமி அவர்கள் அந்த நிகழ்ச்சிக்கு வந்தவர் (அவர் பெரிதும் அண்ணா அவர்களுடன் எப்போதும் உடன் பயணம் புரிபவர் நண்பர் சி.வி.இராஜகோபால் போல!) கே.ஆர். இராமசாமி கார் வந்து கொண்டிருக்கும்போது, அய்யாவின் வேன் நடுச்சாலையில் நிற்பதைக் கண்டு பதறி, அய்யாவை வற்புறுத்தி உடனே தமது காரில் அய்யாவையும், அம்மாவையும் ஏற்றி வந்து பெரியார் திடலுக்கோ அல்லது எனது இல்லத்திற்கோ (சிற்சில நேரங்களில் எனது இல்லத்திலும் தங்குவார்) வந்துவிட்டுச் சென்றார் மகிழ்ச்சியோடு!
அய்யா எவ்வளவோ மறுத்தும் அவர் விடவில்லை! அன்பிற்கும் உண்டோ அடைக்கும் தாழ்? அய்யா பயணம் செய்து சென்னை வந்த பிறகு, மறுநாள் என்னிடம் கேட்டார்: கே.ஆர்.ஆர். வீடு எங்கே உள்ளது? அவருக்கு நேரில் சென்று நான் நன்றி கூறித் திரும்ப வேண்டும். உடனே விசாரியுங்கள் என்றார். அப்போது அவர்கள் அடையாறு காந்தி நகர் 3ஆவது முதன்மைச் சாலையில் ஒரு வீட்டில் குடியிருந்தார். அய்யா வருகிறார் என்று சொன்னவுடன், கே.ஆர்.ஆர். பதறி விட்டார். வேண்டாமே, இதற்காகவா அய்யா வருவது. நீங்க சொல்லுங்க... என்றார். அதெல்லாம் எங்களால் முடியாது; அய்யா முடிவு செய்துவிட்டால், அதை ஏற்பதும், செயல்படுத்துவதும்தானே எங்கள் வேலை என்று கூறினேன். அவருக்கும், அவர் குடும்பத்தினருக்கும் மிக்க மகிழ்ச்சி ஒருபுறம்! திருமதி கே.ஆர்.ஆர். கல்யாணி அவர்களுக்கு அய்யாவை நன்கு தெரியும். ஈரோட்டில் நாடக சபை நடந்தபோது நடித்தவர். அய்யாவிடம் அளவற்ற பாசமும், பக்தியும் கொண்ட பண்பாளர் அவர்.

அவரும் அன்பு பொங்க வரவேற்றுப் பல பழைய நிகழ்வுகள் பற்றியெல்லாம் பேசினார். நடிப்பிசைப் புலவருக்கே ஏகப்பட்ட மகிழ்ச்சி, உற்சாகம்!
பெரியாரின் நன்றி உணர்வு எவ்வளவு சிறப்பானது பார்த்தீர்களா?

இதைவிட நமக்கு நல்ல வாழ்க்கைப் படிப்பினைகள் வேறு வேண்டுமா?

- கி.வீரமணி நூல்: வாழ்வியல் சிந்தனைகள், தொகுதி-2


Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more