கல்லூரிக்கு நன்கொடை



தமது குறிக்கோளை அடைவதற்குத் தக்க விலை கொடுக்க பெரியார் தயங்கியதில்லை.

பார்ப்பனர் அல்லாதார் கல்லூரிக் கல்வி பெற வேண்டுமென்பதில் பெரியார் முனைப்பாக இருந்தார்.

எனவே, பெரியார் திருச்சியில் கலைக் கல்லூரி ஒன்றைத் தொடங்குவதற்காக, அய்ந்து இலட்சம் ரூபாய்களை அரசுக்கு நன்கொடையாக வழங்கியது நாடறிந்த செய்தியாகும்.

உயர் கல்வி இயக்குனர் என்ற முறையில் இதைப்பற்றி கவனிக்கும் பொறுப்பு என்னுடையதாக இருந்தது.

பெரியார், ஈரோடு சிக்கைய்யாவை டாக்டர் இலட்சுமண சுவாமியிடம் அழைத்துச் சென்றார். தனியார் கல்லூரி தொடங்க ஏற்பாடு செய்துவிட்டார். அய்ந்து இலட்சம் மூலதனம் எடுத்து வைக்கவும் ஒப்புக் கொண்டு வந்தார். இச்செய்தி என் காதுக்கு எட்டியது.
அய்யாவுக்கோ உடன் இருப்பவர்களுக்கோ கல்லூரி நடத்தும் தொல்லை வேண்டாம். தங்கள் சார்பில் நடத்தும் கல்லூரியில், பார்ப்பனரல்லாத ஆசிரியர்களையே நியமிப்பார்கள். நம்மவர், நாலுபேர், நான்கு திங்கள் ஒற்றுமையாக இருக்க மாட்டார்கள். குழுச் சண்டை, நிர்வாகத்தோடு மோதுதல் நாள்தோறும் நடக்கும்; இயக்க வேலையைப் பாதிக்கும். அய்யா கல்லூரி நடத்த வேண்டாம் என்று பெரியாருக்குச் சொல்லி அனுப்பினேன். அதுவும் சரி! டாக்டர் இலட்சுமணசுவாமி முதலியார் என்ன நினைப்பார்? அய்ந்து இலட்சம் கட்டுவதற்கு அஞ்சி ஒதுங்கி விட்டேனென்று நினைப்பாரே! சொன்ன அய்ந்து இலட்சத்தைக் கொடுத்து விடுகிறேன். அரசே, கல்லூரி நடத்த ஏற்பாடு செய்ய முடியுமா? என்று பெரியார் கேட்டார். இதற்கு ஏற்கெனவே முன் எடுத்துக்காட்டு இருந்தது.

முதல் அமைச்சர் மீ. பக்தவத்சலம் பெரியார் விருப்பத்திற்கு இணங்கினார். அதைப் பெரியாருக்குத் தெரிவித்தேன். திருச்சியிலிருந்த பெரியார் - தானே தொலைபேசியில் பேசினார். அய்ந்து இலட்ச ரூபாய்க்கு காசோலையை எனக்கு அனுப்புவதாகக் கூறினார். பெரிய தொகையைக் கொடுப்பதால், அய்யாவே முதல் அமைச்சரிடம் காசோலையைக் கொடுப்பது நல்லது என்றேன். தயங்கினார். இருமுறை வற்புறுத்தினேன்; இசைந்தார். குறிப்பிட்ட நாள், பெரியார் மீ. பக்தவத்சலத்தை அவர் இல்லத்தில் கண்டு, காசோலையை வழங்கினார். பெற்றுக் கொண்ட முதல் அமைச்சர், அய்யா, விரும்புகிற பெயரை கல்லூரிக்கு இடலாம் என்றார்.

மன்னிக்கணும், என் பெயர் வைப்பதற்காக இதைக் கொடுக்கவில்லை என்று பெரியார் பதில் சொன்னார்.

தங்கள் பெயர் வேண்டாமென்றால் வேறு எவருடைய பெயரை வேண்டுமென்றாலும் மெதுவாகச் சொல்லி அனுப்புங்கள், அப்படியே போட்டுவிடுவோம் என்று திரு. பக்தவத்சலம் மீண்டும் சொன்னார்.


மன்னிக்க வேண்டும்; தேவைப்பட்டால், இன்னும் பணம் கொடுக்கலாம் என்று சொல்லிவிட்டு, பெரியார் விடை பெற்றுக் கொண்டார்.

Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more