கனிவுடன் செய்தால், எதுவும் அமையும்



நான் பார்த்த - அறிந்த மூத்த தலைவர்களுள் செயற்கரிய செய்த பெரிய தலைவர் தந்தை பெரியார்தான்! ஒரு சமயம் என் வீட்டில் (பெரியார் தங்கை எஸ்.ஆர்.கண்ணம்மாள் வீட்டில்) மதியம் உணவு முடிந்த நேரம்! அப்போது மாம்பழ சீசன்! கனிந்து கனியாத நிலையில் உள்ள மாம்பழம் ஒன்றை எடுத்தார் பெரியார். பெரியார் எப்போதும் தன்னிடத்தில் எவர்சில்வர் கத்தி வைத்திருப்பார்; அந்த மாம்பழத்தை இலகுவாகத் தோலை சீவி எடுத்தார்! அதாவது, எடுத்த பாங்கு அற்புதமானது. ஆரம்பத்தில் எடுத்த தோல், பழம் பூராவும் ஒரே சீராக ஒரு வளையம் மாதிரி எடுத்து முடித்தார். எல்லோருக்கும் ஆச்சரியம். எனக்கு புத்தியில் புலப்பட்டது. பொறுமையுடனும், தன்மை அறிந்து கனிவுடனும் செய்தால், எதுவும் அமையும் என்பது அறிவிற்பட்டது.

ஈரோடு பெரியார் வீதியில் (முன்பு கோர்ட் வீதி) தற்போது பெரியார் - அண்ணா நினைவகம் இருக்கும் கட்டடத்தில் ஒரு வழக்கறிஞர் குடியிருந்தார். அவரை வீட்டைக் காலி செய்வதற்கு வாடகை கட்டுப்பாடு சட்டத்தின் கீழ் முன்சீப் கோர்ட்டில் போட்டிருந்தோம். எதிர் வழக்காடினார். நான், பெரியார் அவர்களை சாட்சியாக விசாரிக்க கோர்ட்டிற்குக் கூட்டி சென்றுவிட்டேன். ஒரே கூட்டம்! பெரியாருக்கு தனி நாற்காலி கொடுத்து உட்காரச் சொன்னார்கள். வாதி நாங்கள் - எங்கள் வக்கீல் கேட்கும் கேள்விகளுக்கு அய்யா அருமையாக நிதானமாக, உண்மையாக பதில் கூறினார். நான் அருகில் இருந்து உதவி செய்தேன். பெரியார், அவர் என்ன கேட்கிறார் என்பார். அதை அப்படியே கூறுவேன். இதை எதிர்வாதி வக்கீல் ஆட்சேபித்தார். முன்சீப் அவர்கள் நிராகரித்துவிட்டார். மேலும், என்னைப் பார்த்து அவர் கேட்பதைத்தான் அப்படி சொல்லுகிறார். அதனால் தவறில்லை என்றார். அதன்பின் எல்லா வழக்கறிஞர்களும், எதிர்வாதம் செய்த வழக்கறிஞரிடம் வெகுவாகக் கூறி, ஊடிஅயீசடிஅளைந னநபசநந பெற ஏற்பாடு செய்தார்கள். நான் ஒரு சாமான்யன்; ஆனாலும் நான் கேட்டுக் கொண்டதற்காக கோர்ட்டுக்கு வந்தார். அதாவது நமக்காக மற்றவர்கள் ஈடுபட செய்யும் காரியத்தின் தன்மை மத்தியமாம்; தானே செய்வதுதான் உத்தமம் என்று சொல்லுவார்கள். அது எவ்வளவு சரியானது என்பதை நான் அனுபவத்தில் இதன்மூலம் அறிந்தேன்.
ஒரு சமயம், பெரியார் திடலில் பெரியார் அவர்களுடன் பேசிக் கொண்டு இருந்தபோது, மாவட்டக் கல்வி உயர் அதிகாரி காண வந்தார்! பெரியார் மகிழ்ச்சியோடு உபசரித்தார். என் அக்காள் காந்தி எம்.ஏ.,பி.டி., அவர்களுக்கு நல்லாசிரியர் விருது சிபாரிசு செய்து கிடைத்து இருக்கிறது என்று பெருமையோடு சொன்னார் வந்த அதிகாரி! பெரியார் சாதாரணமாக, மகிழ்ச்சி என்று மாத்திரம் கூறி, எந்த முகபாவனையும் இல்லாமல் இருந்தது அதிசயமாக இருந்தது. அதிகாரி போன பின் கூறினார், என்னிடம் ஏதோ, அவருக்கு சகாயம். அரசு தரப்பில் வேண்டி வந்திருப்பார். அதனால் தான் காந்திக்கு அந்த அதிகாரி சிபாரிசு செய்த செய்தியை முதலில் சொன்னார். ஆனால், மேலும் பேச்சு கொடுக்காததனால் போய்விட்டார் என்றார். இதிலிருந்து பெரியார் அவர்கள், உரையாடல் செய்ய வருகிறவர்களின் குறிப்பு உணர்ந்து செயல்படும் திறமை உள்ளவர் என்பது புலனாகிறது.

- ஈரோடு எஸ்.ஆர்.சாமி

தந்தை பெரியார் 118ஆம் ஆண்டு பிறந்த நாள் விடுதலை மலர்

Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more