பிறரது உதவியை எதிர்நோக்கார்




தந்தை பெரியார் அவர்கள் தமது 93-ஆம் வயதில் - மறைவதற்கு இரண்டு ஆண்டுகளுக்கு முன்பு - 1971-ஆம் ஆண்டில், சென்னை - பெரிய அரசு மருத்துவமனை - ஜெனரல் (பொது) மருத்துவமனையிலிருந்து வெளியேறும் முன், சென்னை - அரசு கண் மருத்துவமனையின் கண்காணிப்பாளராக இருந்த பெயர்பெற்ற மருத்துவரான டாக்டர் டி.டி. இராமலிங்கம் அவர்களிடம் தன் கண்ணைக் காட்டிப் பரிசோதித்துக் கொள்ள விரும்பினார்; அங்கே அழைத்துச் செல்லப்பட்டார்; நானும் உடன் சென்றேன்.

``தங்களுக்கு என்ன தொந்தரவு கண்ணில் என்று விளக்கமாகக் கூறுங்கள்; பிறகு அதற்கேற்ப பல பரிசோதனைகளைச் செய்வோம் என்றார்.

அதற்கு தந்தை பெரியார் அவர்கள் சிரித்துக்கொண்டே, ``அப்படி ஒன்றும் பெரிய தொந்தரவு எனக்கு ஒன்றுமில்லை; பல சிறிய எழுத்துகள் உள்ள பத்திரிகைகளை - `இந்து நாளேடு போன்றவைகளைப் - படிக்க முடியவில்லை; அவ்வளவுதான்! என்றார்.

டாக்டர் டி.டி. இராமலிங்கம் அவர்கள் மிகவும் அமைதியும், ஆழமும் கொண்ட பண்பாளர். அவர் சிரித்துவிட்டு அமைதியாக சில வினாடிகள் இருந்து விட்டுச் சொன்னார்: ``தங்களுக்கு வயது 93 அல்லவா? இன்னமும் ஏன் இதுபோன்ற பத்திரிகைகளை - சிறிய எழுத்துகள் உள்ள புத்தகங்களைப் படிக்க வேண்டுமென்று விரும்புகிறீர்கள்? இவற்றையெல்லாம் நிறுத்திவிடுங்கள். வேறு இவர் மாதிரி (என்னைக்காட்டி) யாரையாவது விட்டுப் படித்துச் சொல்லச் சொல்லிக் கேட்கலாமே என்றார்.

அதற்கு அய்யா அவர்கள், ``அந்தப் பழக்கம் எதற்கு? நான் இன்னொருவரையல்லவா அதற்காகத் தேடவேண்டும்? இது முடிகிற காரியமா? நம்ம வேலையை நாம்தானே பார்த்துக் கொள்ளவேண்டும்? வேலூர் டாக்டர் ஜான்சன், டாக்டர் பட் போன்றவர்கள் முன்பு சொன்னதுபோல கையில் லென்ஸ் வைத்தே படித்துக் கொள்கிறேன்; எனது வேலைக்கு அன்றாடம் பத்திரிகைகள் - மற்ற செய்திகளைப் படிக்காமல் இருக்க முடியுங்களா டாக்டர்? ரொம்ப நன்றி என்று கூறி விடைபெற்றுத் திரும்பினார்கள்.

கடைசிவரை தந்தை பெரியார் அவர்கள் தம் கையால்தான் பக்கம் பக்கமாக எழுதுவார். வாயால் சொல்லிப் பிறரை எழுதச் செய்யும் பழக்கம் அவர்களுக்கு இல்லை. அவர்கள் `விடுதலைக்கு அறிக்கை எழுதி (சென்னையில் தங்கியுள்ளபோது)க் கொடுத்து, அவர்களது அறிக்கையில் அச்சுக்கோர்க்கப்பட்டு பிழைத் திருத்தத்திற்கான ஒரு படியை (ழுயடநந ஞசடிடிக) காலி அவர்களே வாங்கி அலுப்பு, சலிப்பின்றி தன் கைப்பட தானே திருத்திக் கொடுப்பார்கள்.

இயக்கத்தைப்பற்றிச் சொல்லும்போது கூட, `என்னை நம்பி இப்பெரும் பணி ஏற்றேன்! என்று கூறிடுபவர் அவர்கள்; எதற்கும் எளிதில் பிறரது உதவியை நாடமாட்டார்கள்!


- கி.வீரமணி நூல்: வாழ்வியல் சிந்தனைகள், தொகுதி – 2

Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more