ஆதித்தனார் உங்களுக்கு நிறைய சம்பளம் கொடுக்கிறாரோ


லால்குடிக்கு அய்யா அவர்களுடன் போயிருந்தேன். அதுதான் அவர்களுடன் நான் சென்ற முதல் நிகழ்ச்சி. ஒரு தோழரின் வீட்டில் விருந்து. அய்யாவை அமரச் சொன்னார்கள். அமர்ந்ததும் அய்யாவுக்கு வெளியில் நின்ற என் நினைவு வந்தது. அவர் சாப்பிடுவதற்கு ஓட்டலில் ஏற்பாடு செய்யுங்கள் என்று சொல்லி அனுப்பினார்கள். அவர் நம்மவர் தான் பிரியாணி சாப்பிடுவார் என்று தோழர்கள் தெரிவித்தார்கள். உடனே என்னை அழைத்து வரச்செய்து, அதே பந்தியில் அமரச் சொன்னார் அய்யா அவர்கள். அது முதல் எங்கு சாப்பாடு என்றாலும், அவர்களுடன் என்னை உட்காரச் சொல்லிவிடுவார். சில நேரம் சாப்பிட நேரம் இருக்காது. இரவில் ஒரு கூட்டத்தை முடித்துக்கொண்டு, உடனே அடுத்த ஊருக்குக் கிளம்ப வேண்டியிருக்கும். அப்பொழுது சாப்பாட்டை டிபன் கேரியரில் எடுத்துக் கொள்வார்கள். வண்டியில் சாப்பிட்டுக் கொண்டே செல்வார்கள். அப்பொழுது எனக்கும் சாப்பாடு வண்டியில்தான்!

அய்யா அவர்களின் பிறந்த நாள்களில் நானும் பெரியார் மாளிகைக்குப் போவேன். அவர்களுக்கு (மாலைக்குப் பதில்) ஒரு ரூபாய் கொடுப்பேன்! நீங்களுமா என்று சிரித்துக்கொண்டே வாங்கிக் கொண்டார்கள். நான் சென்னைக்கு வந்த பின்பு, சிந்தாதிரிப்பேட்டை வீட்டில் அய்யா அவர்களைப் பார்க்கப் போனேன். அப்பொழுது அவர்களிடம் ரூ.5 கொடுத்தேன். ஆதித்தனார் உங்களுக்கு நிறைய சம்பளம் கொடுக்கிறாரோ என்று அய்யா சிரித்துவிட்டார்கள்.

அய்யா ஆப்பிள் பழங்களை எடுத்து என் கை நிறையக் கொடுத்து, வீட்டுக்குக் கொண்டு போங்கள் என்பார்கள். பிறந்த நாள் வாழ்த்துக்காக வந்தவர்கள் கொண்டு வந்த பழங்கள் அவை. நான் வேண்டாம் என்றாலும் அய்யா விடமாட்டார்கள்; என் கைகளில் திணித்துவிடுவார்கள்.

அய்யா அவர்கள் யாரையும் உபசரிப்பது இல்லை, சாப்பிடச் சொல்லுவது இல்லை என்று சிலர் கூறும்பொழுது இந்த நிகழ்ச்சிகளை நான் அவர்களிடம் தெரிவிப்பது வழக்கம்.

- அ.மா.சாமி, தந்தை பெரியார் 128ஆம் ஆண்டு பிறந்த நாள்
 விடுதலை மலர்



Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more