தாயைக் கண்ட சேய் போல



நாகைக்கடுத்த சிக்கல் என்ற ஊரில் உள்ள வக்கீல் குமாஸ்தா தோழர் சின்னதம்பி அவர்களின் 12 வயதுடைய பள்ளி மாணவன் சி.தங்கராஜ் என்பவர் நேற்று காலை நடைபெற்ற நாகை திருமணத்திற்கு வந்து பெரியாரை நேரில் கண்டு மகிழவும், அவர்தம் அறிவுரையை முதன்முதலாக கேட்கவும் ஆர்வங் கொண்டவனாய் சிக்கல் ரயில் நிலையத்துக்கு ஓடோடியும் வந்து வண்டியில் ஏறும் சமயம், வண்டியிலிருந்த ஒலிபெருக்கியின் மீது மோதி கீழே விழுந்து இடதுகாலில் பலத்த காயமடைந்ததின் காரணமாக உடனே நாகை சர்க்கார் ஆஸ்பத்திரிக்குக் கொண்டு சென்றனர்.

இடது கால் விரல்கள் அய்ந்தும் நொறுங்கிவிட்டன. மேற்கொண்டு டாக்டர்கள் குணப்படுத்த ஆவண செய்து வருகின்றனர். இச்செய்தியை அறிந்த பெரியார் அவர்கள் திருமண நிகழ்ச்சி முடிந்ததும், மாலை 4.30 மணிக்கு தோழியர் மணி அம்மையார், தோழர்கள் என்.பி.காளியப்பன், திருவாரூர் தங்கராஜ், வி.எஸ்.யாகூப், என்.வி.நடராஜன் ஆகியோருடன் ஆஸ்பத்திரி சென்று அம்மாணவனைப் பார்த்ததும் மனம் பதறினார். விபத்திற்குள்ளான மாணவன் பெரியாரைக் கண்டதும் தாயைக் கண்ட சேய் போல் ஆனந்தங் கொண்டு படுத்த படுக்கையிலேயே எனக்கு ஒன்றும் பயமில்லை என்று பெரியாரிடம் தைரியமாக பதில் கூறினார். மாணவனிடம் பெரியார் சிறுதொகை செலவுக்காகக் கொடுத்துவிட்டு, மாணவனுக்கும் ஆறுதல் கூறிச் சென்றார். சி.தங்கராஜ் என்ற அம்மாணவன் நாகை உயர்நிலைப் பள்ளியில் 7ஆம் வகுப்பு படித்து வருகிறான்.
(விடுதலை, 23.3.1948, பக்கம் 3)

பெரிய தலைவர், சிறிய பையனைப் பார்க்க ஓடோடி வருகிறார். இதில் எவ்வளவுப் பெரிய மனித உள்ளம் குடிகொண்டிருக்கிறது!

- தந்தை பெரியார் 135ஆம் ஆண்டு பிறந்த நாள் விடுதலை மலர்


Comments

Post a Comment

Popular posts from this blog

தமிழ் காட்டுமிராண்டி மொழி ஏன்? எப்படி? -தந்தை பெரியார்

தமிழ் மொழியை நான் ஒரு காட்டுமிராண்டி மொழி என்று சுமார் 40 ஆண்டுகளாகக் கூறி வருகின்றேன். இடையில் இந்தியை நாட்டு மொழியாகவும், அரசியல் மொழியாகவும் பார்ப்பனரும், பார்ப்பன ஆதிக்க ஆட்சியும் முயற்சிக்கின்ற சந்தர்ப்பங்களில் அதன் எதிர்ப்புக்கு பயன்படுத்திக் கொள்ள தமிழுக்கு சிறிது இடம் கொடுத்து வந்தேன். ஆங்கிலத்துக்கு ஆதரவு ஆயினும் ஆங்கிலமும் தமிழின் இடத்தில் இருக்கத் தகுந்த மொழியாகும் என்று பேசியும், எழுதியும், முயற்சித்தும் வந்து இருக்கின்றேன். அக்காலத்திலெல்லாம் நம் நாட்டில் ஆங்கிலம் அறிந்த மக்கள் மிக மிகச் சிலரேயாவர். தமிழ் எழுதப் படிக்கத் தெரிந்த மக்கள் 100-க்கு சுமார் 5 முதல் 10 பேருக்கும் உட்பட்ட எண்ணிக்கை உடையவர்களாகவே இருந்தாலும் நூற்றுக்கு 75 பேர்கள் போல் தமிழைத் தாய்மொழியாகக் கொண்டவர்களாகவே இருந்து வந்திருக்கிறார்கள். ஆனதால் அவர்களிலும் 100க்கு 90 பேர்கள் போல் பகுத்தறிவற்ற மக்களாக இருந்து வந்ததால் அவர்களுக்கு மதப்பற்று, கடவுள் பற்று, பழைய பழக்கவழக்கப் பற்று, குறிபற்று எப்படி முரட்டுத்தனமான பற்றாக இருந்து வந்ததோ - வருகிறதோ அதுபோன்றே தமிழ் மொழிப் பற்றும் முரட்ட...
Read more

ஜாதி ஒழிப்பு மாநாட்டில் பெரியார் உரை!

ஜாதி ஒழிப்பு மாநாட்டில் பெரியார் உரை ! ( தந்தை பெரியார் உரைத் தொகுப்பு ) தஞ்சையில் ஜாதி ஒழிப்பு மாநாட்டில் பெரியார் அவர்களின் உரை (3.11.1957) 03-11-1957 ல் தஞ்சையில் முதலாவது சாதி ஒழிப்பு மாநாட்டில் தீர்மானங்களை நிறைவேற்றியும் 2 ஆவது தந்தை பெரியார் அவர்களின் எடைக்கு எடை வெள்ளி அளிக்கப்பட்ட நிகழ்ச்சியிலும் , தந்தை பெரியார் ஈ . வெ . ராமசாமி அவர்கள் ஆற்றிய இன எழுச்சி உரை :- அன்புமிக்க தாய்மார்களே ! அருமைத்தோழர்களே ! வரவேற்புக் கழகத்தலைவர் அவர்களே ! மற்றும் மகாநாட்டு வரவேற்புக்குழு அங்கத்தினர்களே ! இந்த மகாநாடானது சென்ற இரண்டுமாதத்துக்கு முன்னாலே திருச்சியில் கூட்டப்பட்ட திராவிடர்கழக மத்திய நிர்வாக சபைக் கூட்டத்தில் கண்டபடி அரசியல் சட்டத்தை எரிப்பதும் , காந்தி படத்தை எரிப்பதும் , காந்தி சிலையை நம் நாட்டை விட்டு அகற்றுவதும் முதலிய பல தீர்மானங்கள் அதில் வந்த பொழுது அங்கத்தினர்கள் பெரும்பாலோர் இந்தத் தீர்மானங்களை நாம் இந்த மத்திய கழகத்தில் , மத்திய நிர்வாக சபைக் கழகத்தின் மூலமாகவே தீர்மானிப்பதைவிட...
Read more

தந்தை பெரியார் விதைத்த விதை

தந்தை பெரியார் விதைத்த விதை இனமுரசு சத்யராஜ் இங்கு அமர்ந்திருக்கின்றார் . சில பேர் வாய்ப்பு இல்லாத நேரத்தில் சொல்லுவார்கள் . ஆனால் சத்யராஜ் அவர்கள் கலைத்துறையிலே உச்சக் கட்ட வாய்ப்பிலே இருக்கின்றார் . அவர் இந்த நிலையிலே எதைப்பற்றியும் கவலைப்படாமல் சொல்லுகின்றார் பெரியார் படம் எடுத்தால் அதற்கு நான் பணம் வாங்காமல் இலவசமாக நடிப்பேன் என்று சொல்லுகின்றார் . எனக்கு இலட்சங்கள் முக்கியமல்ல ; இலட்சியங்கள் தான் முக்கியம் என்று சொல்லுகின்றாரே நண்பர்களே ! பெரியார் விதைத்த விதைகள் எப்படி எல்லாம் முளைத்து , எப்படி எல்லாம் ஆல் போல் தழைத்து அருகு போல் வேரோடியிருக்கிறது என்பதை நினைத்து நினைத்து பெருமிதம் கொள்ளுகின்றேன் நண்பர்களே . டில்லியில் பெரியார் கொள்கைகள் சீதாராம் கேசரி டில்லியிலே அகில இந்திய காங்கிரஸ் தலைவர் . ஒரு காலத்திலே காங்கிரஸ் என்பது அக்கிரகாரம் என்பதை அனைவரும் அறிவோம் . ஒரு காலத்தில் என்ன ? நேற்று வரையிலே அவர் யாரை வெளியே அனுப்பி அந்த இடத்திலே உட்கார்ந்திருக்கின்றார் . இது தானே சரித...
Read more